Англија е во финалето на Европското првенство, а селекторот Герет Саутгејт е херој на нацијата. Досега на ниту еден англиски селектор не му успеало да го одведе тимот до последното скалило за трофејот на Стариот континент.
Секако, тоа му носи и огромна популарност. Герет Саутгејт го надмина и поранешниот британски премиер Винстон Черчил според популарноста меѓу Британците, пишува „Дејли експрес“.
Селекторот на Англија ако сега излезе на гласање можеби ќе стане и премиер затоа што имал 72% рејтинг. Како компарација, Винстон Черчил за време на Втората светска војна имал 65% симпатизери.
Англија утревечер (21 часот) на „Вембли“ ќе игра против Италија во финалето на Европското првенство.
