Новиот сопственик на Челси, Тод Боели, пристигна во Барселона на директни преговори со Хоан Лапорта за трансферот на Френки де Јонг.
Англискиот премиерлигаш Челси сериозно се вклучи во трката за играчот од средниот ред на Барселона, Френки де Јонг, пренесуваат англиските медиуми. Барселона е во финансиски проблеми и е подготвена да го продаде 24-годишниот играч за врска ова лето доколку пристигне понуда од 80 милиони евра.
Како фаворит за неговиот потпис важеше Манчестер Јунајтед, бидејќи Де Јонг е најголема желба на Тен Хаг. „Црвените ѓаволи“ преговараат веќе подолго време, но никако не успеваат да најдат заеднички јазик.
