Манчестер Јунајтед ја оствари 20. победа во Премиер – лигата оваа сезона откако со пресврт во второто полувреме ја совлада Астон Вила на гости со 1-3.
Тимот од Бирмингем поведе со голот на Бертранд Траоре во 24.минута, но вториот дел им припадна на „црвените ѓаволи“. Бруно Фернандеш израмни на 1-1 од пенал во 52.минута, а четири минути подоцна Мејсон Гринвуд се погрижи за пресврт. Во финишот Единсон Кавани ја потврди победата на Манчестер Јунајтед со голот во 87.минута од мечот.
