Манчестер Јунајтед потсети на победничките денови и ја совлада Астон Вила со 4-2 за пласман во осминафиналето на Карабао купот. Менаџерот Ерик тен Хаг го одмори Роналдо, но другите фудбалери се истакнаа голгетерски, и тоа во второто полувреме.
Интересно, по првиот дел немаше голови, а во второто паднаа дури шест. Воткинс во 48.минута донесе водство за гостите, но Марсијал погоди само една минута подоцна за израмнување. Далот во 61.минута си постигна автогол, но и тогаш Јунајтед не се откажа.
Маркус Рашфорд израмни на 2-2, Бруно Фернандеш се погрижи за пресврт, а Скот Мектоминај го потврди триумфот во последните мигови од мечот.
