Тренерот на Аталанта, Џанпјеро Гасперини, би можел да биде нов тренер на Елиф Елмас во Наполи, тврди „Газета Дело Спорт“. Сопственикот на Наполи, Аурелио де Лаурентис е незадоволен од последните резултати на тимот предводен од Лучијано Спалети и на крајот од сезоната многу веројатно ќе се раздели со поранешниот тренер на Рома и на Зенит.
Договорот на Спалети со Наполи е на уште две години, а доколку добие отказ ќе треба да му бидат исплатени 6 милиони евра отштета.
Наполи е на третото место во италијанскиот шампионат и по последните резултати ја загуби шансата да се бори за титулата во Серија А.
