Франк Кеси во јануари ќе ја напушти Барселона, пренесуваат медиумите во Шпанија. Милан е заинтересиран да го врати на „Сан Сиро“ како позајмен играч, но првите официјални понуди пристигнаа од два премиерлигаши.
Фулам и Астон Вила се подготвени да и платат 20 милиони евра на Барселона за играчот од средниот ред од Брегот на Слоновата Коска.
Со оглед дека Кеси на „Камп Ноу“ пристигна како слободен агент, тоа би била значајна финансиска инјекција за каталонскиот клуб, а дополнително би се ослободиле и од неговата голема плата.
