Англискиот премиерлигаш Фулам е блиску до привлекување на напаѓачот на Пари Сен Жермен, Мауро Икарди, пренесе „Марка“. Според изворот, сумата за трансфер ќе биде околу 12 милиони евра, при што ПСЖ ќе може да добие уште 3 милиони евра во различни бонуси.
Преговорите за договор меѓу Икарди и Фулам се во завршна фаза.
Оваа сезона напаѓачот игра како позајмен во турскиот Галатасарај. На 21 натпревар, Икарди постигна 15 гола и имаше осум асистенции.
Договорот на 30-годишниот аргентински напаѓач со ПСЖ е до јуни 2024 година. Икарди за парижаните игра од 2019 година.
