Атлетико Мадрид стигна до осмата победа во Ла Лига откако со пресврт во второто полувреме го совлада Алавес со 2-1. Тоа беше одлична честитка за големиот јубилеј на Диего Симеоне, кој го водеше 700. меч од клупата во тренерската кариера.
Гуриди го доведе Алавес во водство во седмата минута од пенал.
Атлетико Мадрид долго време бараше решение, но во завршницата успеа да постигне два гола.
Антоанн Гризман израмни од пенал во 75.минута, а Александер Сорлот беше стрелец на победничкиот гол во 86.минута од мечот.
