Фудбалерите на Манчестер Сити го победија Реал Мадрид со 4-3 на „Итихад“ во неверојатно возбудлив и драматичен прв натпревар од полуфиналето на Лигата на шампионите. Пред реваншот се е отворено и одлуката за финалистот ќе биде позната по мадридскиот дуел која е закажан за 4 мај.
„За навивачите кои гледаа ова беше одличен фудбал. Знаевме дека Реал Мадрид ќе не казни ако ја загубиме топката на одредени делови од теренот. Игравме од една на друга страна на моменти. Имавме шанса да ги „убиеме“. На натпревари како овој треба да ги искористите таквите шанси“, изјави Фил Фоден, кој беше стрелец на еден гол на дуелот против Реал Мадрид.
