Селекторот на германската фудбалска репрезентација Ханси Флик смета дека раководните луѓе на ФИФА била во право што ја исклучиле руската репрезентација од плеј-офот за Светското првенство во Катар, откако руската армија ја нападна Украина.
„Мислам дека оваа мерка е точна како симбол“, изјави Флик за магазинот „Стерн“, цитиран од ДПА.
Русија в четврток требаше да се соочи со Полска во полуфиналето од баражот за пласман на СП во Катар.
Сепак, Флик рече дека не верува дека рускиот претседател Владимир Путин би можел да биде разубеден со спортски казни откако „ниту најстрогите економски санкции не го спречија“. Тој сочувствува со спортистите од Русија и Белорусија, кои се целосно исклучени од многу спортови.
