Македонскиот фудбалски прволигаш Тиквеш добива нов спонзор во облик на германска компанија, која до крајот на овој месец треба да инвестира еден милион евра во клубот од Кавадарци.
Градоначалникот на Кавадарци, Митко Јанчев, на последната седница на Советот изјави дека германски инвеститор ќе му помогне на Тиквеш, а за возврат ќе добие 50% од акциите.
Остатокот од акциите ќе остане во сопственост на Општина Кавадарци, која и понатаму ќе има контрола врз случувањата во клубот.
Тиквеш во моментов се наоѓа на 10. место во Првата македонска фудбалска лига (ПМФЛ) со 18 бодови и до крајот на сезоната го очекува жестока борба за опстанок.
