Полскиот репрезентативец и напаѓач на Баерн Минхен, Роберт Левандовски, е надобриот светски фудбалер за минатата година и ја доби наградата на ФИФА, „The Best“. Во женска конкуренција, добитничка е фудбалерката на Манчестер Сити, Луси Бронз.
Левандовски освои тројна круна со Баерн Минхен, беше неверојатен на голгетерски план.
„Сакам да ја споделам оваа награда со сите мои соиграчи од Баерн Минхен и од репрезентацијата на Полска. Беше неверојатно да се биде дел од тимот на Баерн минатата година, освоивме тројна круна, а и со полската селекција остваривме голем успех. Би сакал да се заблагодарам за престижната награда, ќе се обидам да ја оправдам со уште подобри игри во иднина“, изјави Роберт Левандовски.
Луси Бронз е најдобрата светска фудбалерка според ФИФА. Таа исто така искажа благодарност за добиената награда.
Беа избрани и најдобрите тимови во машка и во женска конкуренција, во соработка со ФИФПро.
