ФИФА официјално го санкционираше поранешниот претседател на Шпанската фудбалска федерација Луис Рубиалес поради скандалозниот бакнеж на Џени Хермосо. Изречена му е забрана во времетраење од три години да не се занимава со никаква дејност поврзана со фудбалот.
Како што е познато, скандалот изби летото кога Рубиалес по финалето на Светското првенство за жени ја бакна во усни репрезентативката на Шпанија, Џенифер Хермосо. Потоа се пожалила дека тоа е направено против нејзина волја.
По огромниот притисок, Рубиалес поднесе оставка од својата лидерска позиција во федерацијата, а исто така беше казнет од Спортскиот управен суд во Шпанија – 3 години да не биде дел од фудбалот во земјата.
Одделно, Рубиалес е под истрага од шпанските обвинители за сексуален напад. Против него е издадена забрана за приближување на 200 метри од Хермосо.
