Катар го исчекува стартот на Светското првенство во фудбал во ноември и декември, но како што се наближува, се повеќе излегуваат на површина и проблемите. Голем проблем се строгите мерки за задолжителна изолација и карантин за невакцинираните лица што ги воведе оваа држава.
Најмалку пет дена во изолација треба да бидат репрезентативците што не се вакцинирани, а ги има во речиси сите селекции учеснички. Ова може да предизвика хаос пред самиот почеток, а и за време на турнирот.
Токму затоа ФИФА го притиска Катар да ги олабави мерките и да дозволи невакцинирани фудбалери со валиден Ковид-19 тест да не одат во карантин. Светската фудбалска организација бара домаќините да бидат попустливи и кон фановите што ќе пристигнат да ги бодрат своите репрезентации или во спротивно би можело да се случи комплетно фијаско.
