Фантастична премија за фудбалерите на Ал-Хилал по пласманот во финалето на Светското клупско првенство

Саудискиот милијардер, принцот Ал Валид бин Талал Ал Сауд, им додели голема премија на фудбалерите на Ал-Хилал. Секој од нив ќе добие по 1.000.000 ријали (250.000 евра) за пласманот во финалето на Светското клупско првенство.

Ал-Хилал синоќа го победија Фламенго со 3-2 и се пласираа во финалето на натпреварувањето кое ги собира најдобрите тимови од сите континенти на светот.

Во второто полуфинале на Светското клупско првенство, вечерва се среќаваат Реал Мадрид и египетскиот клуб, Ал Ахли.