Фановите на Ливерпул се простуваат од Диого Жота пред „Енфилд“ (ФОТО)

Трагична несреќа на летниот одмор во Шпанија беше кобна за животот на фудбалерот на Ливерпул, Диого Жота, кој заедно со неговиот брат Андре Силва, загина излетувајќи од патот со своето „Ламборџини“. Тажната вест ги покоси сите фудбалски вљубеници, а навивачите на Ливерпул не можат да веруваат дека веќе го нема нивниот херој.

Фановите се простуваат од Диого Жота пред „Енфилд“, оставајќи цвеќиња, дресови, шалови, навивачки реквизити во паркот.

Диого Жота минатата сезона ја освои титулата со Ливерпул, потоа со Португалија славеше во Лигата на нации, а пред десетина дена направи свадба со својата девојка, со која има и три деца.