Бразилецот Фабињо го продолжи договорот со Ливерпул за уште три сезони. Тој потпиша договор до јуни 2026 година.
„Последните три сезони научив многу од тренерите и соиграчите и навистина сум среќен што потпишав нов договор“, изјави Фабињо.
Тој пристигна во Ливерпул од Монако во 2018 година во трансфер вреден 45 милиони евра и е стандарден првотимец, а, покрај средниот ред, тој добро се снаоѓа и како стопер. Раководството на Ливерпул работи и на продолжување на договорите со Мохамед Салах, Вирџил ван Дајк, Алисон Бекер и Енди Робертсон.
