Суперлигата доби зелено светло од судот да почне да „работи“, а клубовите од Европа почнаа јавно да објавуваат дека не сакаат да учествуваат во тоа натпреварување.
Баерн Минхен и Борусија Дортмунд од Германија, Атлетико Мадрид и Севилја од Шпанија, целата Премиер – лига, Интер и Рома од Италија, ПСЖ од Франција се дел од најголемите клубови кои досега се огласија.
Покрај многуте откажувања, еден клуб јавно изрази желба да игра во Суперлигата, а тоа е Наполи, актуелниот шампион на Италија.
Ова не е изненадување со оглед дека претседателот на клубот Аурелио де Лаурентис долго време ја критикуваше распределбата на парите на УЕФА.
