Фудбалската репреентација на Ерменија во последните мигови од мечот се спаси од пораз и одигра 2-2 против Фарски Острови во Торшавн. Ќе беше подобро за нас ако загубија, но и ремито на Ерменците секако и оди во прилог на Македонија во пресрет на меѓусебната пресметка в недела во Ереван.
Гор Манвелијан во 93.минута постигна гол за Ерменија за израмнување на 2-2 на гостувањето кај Фарски Острови. Домаќинот беше на прагот на сензација, а на крајот освои бод.
Фарски Острови поведоа со голот на Јан Бенјамисен во 37.минута, но Ерменија израмни непосредно пред одморот, со погодокот на Лукас Зеларајан.
Во вториот дел, Фарски Острови повторно дојде во водство во 85.минута со голот на Јоанес Бјарталид, но Гор Манвелијан ги спаси Ерменците од пораз.
