Ердон Даци од Коњаспор се пресели во Вестерло

Македонскиот интернационалец Ердон Даци го напушти турскиот клуб Коњаспор и се пресели во Белгија. Тој направи трансфер во Вестерло, клубот кој се наоѓа на врвот на табелата во белгиската втора лига и има амбиции за влез во елитата. Даци треба да биде едно од засилувањата кои ќе помогнат во реализацијата на оваа цел.

Крилниот напаѓач во 2019 година од Вардар замина во Турција и потпиша за Коњаспор. Тој за турскиот клуб одигра 39 натпревари и постигна три гола.