Енис Барди ќе има нов тренер: Леванте го смени Пако Лопез

Падна првата тренерска „жртва“ и во Ла Лига. Тоа е тренерот на Енис Барди во Леванте, Пако Лопез. Тој утрово и официјално доби отказ, откако тимот не ја стартуваше сезоната според плановите.

Леванте по поразот (1-0) од Мајорка се наоѓа на 18. позиција на табелата во Ла Лига со само четири освоени бода по осум одиграни натпревари.

Во наредните неколку дена се очекува Леванте да назначи нов шеф на стручниот штаб.