Милан и Тотенхем се договорија за трансфер на бразилскиот дефанзивец Емерсон Ројал, јавуваат италијанските медиуми. „Росонерите“ ќе платат малку повеќе од 15 милиони евра за 25-годишниот играч.
Емерсон Ројал долго време беше посакуван од Милан, но двата клуба не успеваа да се договорат. Сепак, дилемите сега се разрешени и нема пречки за трансферот.
Емерсон Ројал исто така сака да прејде во Милан, откако минатата сезона го загуби местото меѓу стартерите и често беше резерва. Тој одигра 24 натпревари и постигна еден гол за Тотенхем во минатата кампања.
