Македонскиот репрезентативец Елиф Елмас побарал од тренерот Лучијано Спалети и раководството на Наполи следната сезона да има многу поголема минутажа во дресот на Наполи. Во спротивно, подготвен е да разгледа една од понудите кои се пристигнати на негова адреса, тврдат италијанските медиуми.
Фиорентина и Валенсија се клубовите заинтересирани да го ангажираат Елмас, кој, сепак, има актуелен договор со „наполитанците“.
Минатата сезона Елмас одигра голем број натпревари, но многу често стартуваше од клупата за резерви. Тој смета дека во претстојната сезона треба да се изгради како стандарден првотимец на Наполи.
