Македонскиот фудбалски репрезентативец Елиф Елмас денеска го имаше дебито во дресот на бундеслигашот Лајпциг. Забележа скромни неколку минути на теренот, а нема да го памети по добро дебито со оглед дека Лајпциг загуби дома од Ајнтрахт Франкфурт со 0-1.
Стрелец на голот за гостите беше Ансгар Кнауф уште во седмата минута од натпреварот.
Баер Леверкузен оствари нова победа (0-1) откако Паласиос постигна победнички гол во 94.минута на дуелот против Аугсбург на гости.
Мајнц и Волфсбург ремизираа 1-1, со идентичен резултат заврши и мечот Келн – Хајденхајм, а на мечот меѓу Фрајбург и Унион Берлин немаше голови.
