Германскиот првак Баерн Минхен ќе се обиде да го купи Ерлинг Халанд. Тиражниот таблоид „Билд“ носи ексклузивна информација дека во текот на денешниот ден спортскиот директор Хасан Салихамиџиќ имал средба со фудбалерот на Борусија Дортмунд и му ја претставил намерата тој да се пресели на „Алијанц арена“ ова лето.
Роберт Левандовски можеби ќе си замине, Баерн Минхен гледа алтернатива во Себастијан Халер, напаѓачот на Ајакс, но секако дека ангажманот на Халанд би бил вистински џек-пот.
Баерн Минхен е подготвен да ја плати клаузулата од 75 милиони евра и да го направи Ерлинг Халанд најплатен фудбалер во Бундес-лигата.
Сепак, конкуренцијата за трансферот на Халанд е огромна, тука се и Манчестер Сити, Реал Мадрид, Барселона, ПСЖ…
