Италијанскиот репрезентативен голман Џанлуиџи Донарума одлучи да го напушти Милан откако му истече договорот, а иако имаше неколку понуди каде да ја продолжи кариерата, тој се реши да потпише за ПСЖ.
Пред да дојде во францускиот клуб, имаше одличен настап на Европското првенство, каде што стана европски шампион со Италија, но не се снаоѓа добро како што планираше во ПСЖ.
Донарума претежно седи на клупата бидејќи Маурисио Покетино одлучи Кејлор Навас да остане прв голман во Париз, што секако не го очекуваше пред почетокот на сезоната. Тогаш се шпекулираше дека ПСЖ може дури и да го продаде Навас и дека Донарума сигурно ќе биде прв голман, но тоа не се случи.
Медиумите во Италија веќе пишуваат дека Донарума е незадоволен од неговиот статус во ПСЖ и дека дури е подготвен да го напушти клубот доколку тоа не се промени. Тој сака да остане прв голман во репрезентацијата на Италија пред Светското првенство.
Донарума се поврзува со можно враќање во Серија А каде Јувентус е заинтересиран за нов голман, поради лошата форма на Шчешни.
