По серијата разочарувачки резултати, Јирген Клоп чекаше добри вести. Диого Жота го израдува откако се врати на тренинзите со тимот, а германскиот стратег се надева дека неговото враќање ќе му помогне на тимот да излезе од кризата и ќе почне да победува.
Португалскиот репрезентативец нема играно од октомври кога заработи повреда против Манчестер Сити. Повредата го спречи да учествува на Светското првенство во Катар. Сепак, Жота сега е подготвен и најверојатно ќе му биде на располагање на Клоп за дербито со Евертон во понеделник.
На тренингот се појавија и Вирџил ван Дајк и Роберто Фирмино, кои пред неколку дена продолжија со тренинзите, но се уште се подготвуваат на индивидуална основа. Артур Мело за првпат по долго време учествуваше во целата активност.
