Македонскиот прволигаш Брера претстави уште едно квалитетно засилување. Младинскиот репрезентативец Димитар Тодоровски ќе го носи дресот на струмичкиот тим за следната сезона.
Тодоровски, кој е играч од средниот ред, потекнува од школата на Работнички каде настапуваше и во изминатото првенство во кое запиша два гола и една асистенција.
Тодоровски е член и на младинската фудбалска репрезентација на Македонија за која има вкупно 29 настапи. Важи за еден од поквалитетните фудбалери од средниот ред во македонскиот шампионат.
