Диего Симеоне е најплатениот тренер во Ла Лига, објави францускиот весник „Л’Екип“. Месечната бруто-плата на стратегот на Атлетико Мадрид изнесува 2,17 милиони евра и практично заработува повеќе од Карло Анчелоти и Ханси Флик заедно.
Карло Анчелоти од Реал Мадрид има месечна бруто-плата од 910.000 евра, а Ханси Флик од Барселона е со 830.000 евра.
Во Атлетико Мадрид нема ниту еден фудбалер кој заработува повеќе од тренерот Диего Симеоне. Најдобро платен играч во клубот е голманот Јан Облак, кој месечно инкасира 1,57 милиони евра.
Во целата Ла Лига, лидер по месечна плата меѓу фудбалерите е ѕвездата на Реал Мадрид, Килијан Мбапе, со 2,67 милиони евра.
