Дианеси му донесе голем триумф на Вардар во вечното дерби (ВИДЕО)

Вардар се врати на арената „Тодор Проески“ и успеа да го победи Пелистер со 1-0, со голот на Џибрил Дианеси во 82.минута. Вечното македонско дерби не донесе премногу квалитетен фудбал, но секако ја врати возбудата и фудбалската атмосфера, со оглед дека беа присутни двете навивачки групи, Комити и Чкембари.

Првиот дел не понуди многу шанси, а најизгледната ја имаше напаѓачот на Пелистер, Михаил Талевски во 45.минута. Тој упати силен удар од 12 метри, но Филип Гачевски успеа да спаси сигурен гол со бравурозна интервенција.

Во второто полувреме, и двете екипи се отворија, имаше шанси и на двете страни, иако не стопроцентни, а на крајот славеше Вардар. По седмиот корнер, во 82.минута, Дианеси најдобро се снајде во мешаницата и ја испрати топката во мрежата на Пелистер.

Одеднаш сега ова е многу попозитивен старт на сезоната за Вардар, Пелистер останува со еден освоен бод.