Ди Лоренцо во Наполи до 2026 година

Италијанскиот фудбалер Џовани Ди Лоренцо го продолжи договорот со Наполи, објави клубот. Ди Лоренцо и Наполи ја продолжија соработката до 2026 година.

Италијанскиот репрезентативец кој ќе наполни 28 години следниот месец, во Наполи пристигна во 2019 година од Емполи за 8 милиони евра.

Ди Лоренцо минатата сезона одигра 49 официјални натпревари за Наполи и постигна четири погодоци. Новиот тренер Лучијано Спалети во него гледа стандарден првотимец и адут за претстојната сезона во Серија А.