Италијанската легенда Леонардо Бонучи најверојатно на лето ќе се врати во Серија А. Во моментов 36-годишниот дефанзивец е дел од турскиот гигант Фенербахче.
Неговиот договор е до крајот на сезоната, а според италијанските медиуми интерес за него има од Џенова. И самиот фудбалер претпочита да се врати во татковината.
Бонучи дојде во Фенербахче во јануари од Унион Берлин. Тој ја започна сезоната со „железните“ откако стана јасно дека не се вклопува во плановите на тренерот на Јувентус, Масимилијано Алегри, и замина на слободен трансфер.
Ветеранот има веќе осум натпревари за Фенербахче во пролетниот дел.
