Поранешниот младински репрезентативец Џемал Ибиши е првото засилување за македонскиот прволигаш Тиквеш ова лето. Проработе релацијата Македонија – Хрватска, па откако Андреј Лазаров замина во Рудеш, новиот хрватски прволигаш, сега Ибиши од хрватскиот второлигаш Ориент доаѓа во тимот од Кавадарци.
Ибиши е крилен напаѓач, беше голем талент, а по турбуленциите во Вардар реши да замине во Хрватска и потпиша за Локомотива Загреб. Сепак, таму беше отстапен во Дубрава, потоа и во Ориент, по што дојде време да се врати во македонскиот фудбал.
