Максимално оптимистичко расположение владее во таборот на Македонија ЃП пред денешното гостување во Кратово против Силекс во 4. коло од Првата македонска фудбалска лига.
Поранешниот младински репрезентативец, Бенјамин Демир е убеден дека „лавовите“ може да дојдат до трите бода, и покрај тоа што ги чека тешка задача…
„Да, Кратово е секогаш тежок терен, но сепак, имаме ние свои цели и пресметки и одиме по три бода на ова гостување. Атмосферата во клубот е одлична, сакаме така да остане и за време на паузата, а тоа можеме да го направиме само со максимално залагање во текот на целиот натревар“ – вели крилниот офанзивец на Македонија ЃП.
ПРВА ЛИГА – 4. КОЛО (денеска, 16.30 ч.)
Велес: БОРЕЦ – ШКЕНДИЈА
Скопје: РАБОТНИЧКИ – АК. ПАНДЕВ
Струга: СТРУГА ТЛ – ШКУПИ
Кратово: СИЛЕКС – МАКЕДОНИЈА ЃП
УТРЕ (16:30 ч.)
Тетово: РЕНОВА – ВАРДАР
