Новото засилување на ПСЖ, Осман Дембеле, изјави дека францускиот шампион е најдобриот тим за кој играл. Крилниот напаѓач го комплетираше трансферот на „Паркот на принцовите“ ова лето од Барселона, па неговиот став секако е голем удар за каталонскиот гигант.
„Мислам дека ова е најдобриот тим за кој сум играл. Имаат квалитетни играчи на сите позиции кои ги претставуваат најдобрите нации во светот. Има конкуренција, тоа ги тера сите да го подигнат своето ниво до максимум“, изјави Дембеле за „Телефут“.
ПСЖ потпиша со францускиот репрезентативец за 50,4 милиони евра.
