Баерн Минхен го вклучи Давид де Хеа на листата на посакувани голмани, пренесува „Спорт Билд“. Шампионот во Бундес-лигата активно бара нов голман кој ќе го замени Јан Зомер бидејќи Швајцарецот е блиску до трансфер во Интер.
Специфично е дека секој нов чувар треба да биде фит, а потоа во одреден момент да седне на клупата, бидејќи Мануел Нојер, кој е и капитен на тимот, сѐ уште не е опоравен, но и тој наскоро ќе биде подготвен за игра.
Сѐ уште не е јасно каква плата на ќе бара Шпанецот, откако досега беше платен речиси 20 милиони фунти во Манчестер Јунајтед. Сепак, Шпанецот го напушти „Олд Трафорд“ по 12 години, откако не успеа да договори нов договор со раководството, а „црвените ѓаволи“ како негова замена го доведоа Андре Онана.
Баварците беа поврзувани со голем број други голмани како што се Ѓорѓи Мамардашвили од Валенсија, Роберт Санчез од Брајтон и Војчех Шчесни од Јувентус.
