Голманот на Арсенал, Давид Раја, ќе се врати на голот за претстојниот дуел на „топчиите“ во Лигата на шампионите против Ленс. Голманот го пропушти последниот натпревар на неговиот тим во Премиер – лигата против Брентфорд.
Како што е познато, Раја дојде на „Емирати“ како позајмен токму од составот на „пчелите“ и не му беше дозволено да настапи на натпреварот.
Раја беше заменет со Арон Рамсдејл, но сега ќе се врати во стартниот тим на лондончани.
Натпреварот против Ленс може да биде одлучувачки за Арсенал во Лигата на шампионите. Доколку забележи успех против Французите, Арсенал ќе си го гарантира пласманот во елиминациската фаза од ЛШ.
