Поранешниот македонски репрезентативец Дарко Тасевски, кој сега живее во Бугарија, го предупреди денешниот домаќин дека Македонија е многу квалитетна селекција. Тој напомена дека учеството на Македонија на последното Европско првенство воопшто не е случајност.
„Македонија има навистина добра репрезентација. Не случајно учествуваше на ЕВРО 2020. Да бидеме реални, првенствата во Македонија и во Бугарија не можеме да ги рамнеме воопшто со оние европските, па самото учество на Македонија на Европско првенство беше голем успех. Тие сите фудбалери сега постојано имаат силни натпревари против квалитетни противници. Можеби тоа во моментов и недостасува на Бугарија за да повторно се врати со фудбалските успеси затоа што јасно е дека и Бугарија има квалитетни, талентирани фудбалери“, изјави Дарко Тасевски за Бугарската национална телевизија.
