Светскиот шампион на Италија од 2006 година, Даниеле Де Роси, е подготвен за својата прва работа како главен тренер. Поранешниот играч на Рома, кој моментно е еден од помошниците на селекторот на Италија, Роберто Манчини, е блиску до договор со второлигашот Беневенто, пишува „Кориере дело Спорт“.
Де Роси се очекува да го замени тренерот на Беневенто, Фабио Касерта, кој се соочи со отказ по лошиот почеток на сезоната.
Доколку легендата на Рома ја добие работата, тој би можел да дебитира против поранешниот соиграч Фабио Гросо, кој исто така го освои Светското првенство со Италија во 2006 година и моментално е на клупата на Фросиноне.
