Искусниот стопер Даниел Мојсов е ново засилување за македонскиот прволигаш Тиквеш. Кавадарчанецот се враќа во матичниот клуб каде ја почна кариерата, откако му заврши договорот со Брегалница.
Од Тиквеш истакнуваат дека промоцијата ќе биде извршена откако фудбалерот ќе се врати од летен одмор, тогаш ќе бидат познати и деталите од договорот.
Даниел Мојсов во кариерата одигра 39 натпревари за фудбалската репрезентација на Македонија.
