Италијанскиот првак Јувентус оствари триумф (3-1) над Лацио и се уште е во активна трка за одбрана на скудетото. „Старата дама“ имаше негатива, но благодарејќи на Рабио и на Мората успеа да направи комплетен пресврт и да слави победа.
Хоакин Кореа во 14.минута донесе предност за Лацио, но Адриен Рабио не дозволи Јувентус да замине на одмор со негатива. Во вториот дел блесна Алваро Мората и донесе триумф. Тој во 57.минута постигна погодок за 2-1, а три минути подоцна и реализираше пенал за потврда на триумфот.
Јувентус се наоѓа на третото место со 52 бода, седум помалку од лидерот Интер.
