Аргентинскиот стратег Диего Симеоне би можел да го напушти Атлетико Мадрид по крајот на сезоната, пишува „Релево“.
Иако важи за најуспешен тренер во историјата на клубот, тој е пред заминување, со олгед дека е дел од Атлетико од 2011 година. Причината не е само во резултатите, туку и во чувството на исцрпеност, кое станува сè повидливо.
Дополнителен фактор е новиот директор за фудбал, Карлос Букеро, кој ја презеде функцијата во јануари 2024 година. По неговото доаѓање, беа направени неколку клучни промени, меѓу кои и отпуштањето на спортскиот директор Андреа Берта, долгогодишен соработник и доверлив човек на Симеоне. Освен Берта, отстранети се и други членови на персоналот кои беа блиски со Симеоне.
Односот на Букеро со играчите се опишува како „студен“, што влијае на хармонијата во клубот. Една од неговите први мерки беше намалување на платите, што влијаеше врз играчи како Марио Хермосо, Стефан Савиќ, Алваро Мората и Мемфис Депај.
Влијанието на Симеоне во донесувањето на вакви одлуки значително се намали, иако порано тој го имаше последниот збор.
Се споменува и дека Букеро не го сакал во клубот синот на Симеоне, Џулијано, што дополнително ги заостри тензиите.
