Англискиот премиерлигаш Челси потроши повеќе од 200 милиони фунти за реновирање на одбраната ова лето, а откако заврши преодниот рок ќе се фокусира на нови договори за дел од фудбалерите од актуелниот погон. Еден од нив е Рис Џејмс, десниот бек кој е трансферна цел на Реал Мадрид.
Тој израсна во младинската академија на Челси, дебитираше во септември 2019 година и оттогаш одигра 127 натпревари за „сините“, претворајќи се во важен член на тимот.
Неговиот актуелен договор има важност до јуни 2025 година, но Челси сака да го „врзе“ долгорочно.
