Челси падна на „Сент Мери“ (ВИДЕО)

Челси по пет кола веќе има два порази во Премиер – лигата. Тимот на Томас Тухел доживеа пораз (2-1) на гостувањето кај Саутемптон.

Рахим Стерлинг донесе предност за „сините“ во 23.минута, но само пет минути подоцна израмни Ромео Лавиа. Во 45.минута, Саутемптон направи пресврт и со голот на Адам Армстронг поведе со 2-1, што на крајот беше доволно и за триумф.

Фулам го совлада Брајтон со 2-1, а повторно стрелец беше Александар Митровиќ. Кристал Палас и Брентфорд ремизираа 1-1.