Челси оствари минимална победа (0-1) на гости против Брентфорд. Стрелец на единствениот погодок на натпреварот беше левиот бек на “сините”, Бен Чилвел кој го матираше голманот на “пчелите” со прекрасен волеј пред крајот на првото полувреме.
Последниот пат кога овие две екипи се сретнаа во англиската лига беше во 1947 година. Како резултат на триумфот, Челси се врати на врвот на табелата во Премиер – лигата, иако Ливерпул претходно го “торпедираше” Вотфорд.
