Европскиот првак Челси ќе биде сериозно ослабен на дербито од второто коло во групата Х. Дуелот се игра утревечер во Торино, а менаџерот Томас Тухел нема да може да смета на еден од најдобрите поединци, Нголо Канте. Тој е позитивен на коронавирус.
„Канте е позитивен на коронавирусот и е во карантин. Тој не тренираше. Мораме да бидеме внимателни, пандемијата се уште не е завршена. Се чини дека вакцината е единствената вистинска заштита. Јас сум тренер, а не медицински експерт. Луѓето прават избори за кои самите си се одговорни, но, јас не сум лут на Нголо“, изјави Томас Тухел.
По првото коло и Челси и Јувентус имаат по три бода, по победите над Зенит и над Малме.
