Челси го раскина договорот со фудбалерот Рос Баркли. Тоа се случило со заедничка согласност на двете страни, соопштија од клубот. Така, офанзивниот играч за врска станува слободен агент.
Баркли се пресели во лондонскиот клуб во 2018 година од Евертон, а за неговите права беа платени речиси 17 милиони фунти. Сепак, тој никогаш не успеа целосно да се наметне во Челси, со вкупно 54 настапи и пет гола за клубот.
Минатата сезона Рос Баркли играше како позајмен играч во Астон Вила каде на 26 натпревари постигна три гола.
