Преодниот рок се затвора, се финализираат последните потези, а еден од нив е трансферот на Кол Палмер од Манчестер Сити во Челси.
Медиумите пишуваат дека сѐ е договорено за трансферот на младиот англиски фудбалер за околу 50 милиони евра. Таа вест сепак не е стигната до оној кој прв треба да знае, Маурисио Покетино.
Аргентинецот на прес-конференцијата призна дека не бил информиран за доаѓањето на ново име во неговиот тим.
„Не знам ништо, ниту имам што да кажам за играчи кои не ни припаѓаат нам. Клубот ништо не ми кажа“, изјави Покетино.
Прашањата и размената на информации продолжија, при што Маурисио успеа да остане мирен и со изненаден израз на лицето.
„Не сакам да зборувам за играч кој не е потпишан. Не знам дали ќе треба повеќе или помалку труд за да го донесат пред крајот на преодниот рок“, заклучи Покетино.
