Претседателот на УЕФА Александар Чеферин изрази големо задоволство од дебитантската сезона на турнирот од Лигата на конференциите. Вечерва во Тирана ќе биде познат првиот освојувач на трофејот, победникот од финалната пресметка меѓу италијанскиот калчолигаш Рома и холандскиот клуб Феенорд.
„Никогаш не очекувавме толку голем интерес за Конференциската лига на УЕФА. Во 2020 година, кога го избравме домаќинот на финалето, претпоставувавме дека е подобро да започнеме со помал објект“, изјави Чеферин.
Тој ја објасни и идејата на УЕФА за ова натпреварување.
„Идејата на Конференциската лига е да има повеќе натпревари за повеќе клубови и повеќе национални асоцијации да бидат претставени во групната фаза. Формулата што ја користевме беше успешна. Многу фудбалски стручњаци се обидоа да не убедат дека таков турнир не може да се „трка“ со Лигата на шампионите и со Лигата на Европа, но можете да видите дека сега има две екипи во финалето кои имаат квалитети да играат дури и во Лигата на шампионите. Оваа прва сезона ги надмина нашите очекувања“, заклучи Чеферин.
-
Ексклузивна колумна на Филип Лам: Франц Бекенбауер и наследството што ни го остави
Годината започнува многу тажно. Почина Франц Бекенбауер. На германскиот фудбал му даде повеќе од...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski