Манчестер Јунајтед ја победи Барселона со 2-1 и се пласираше во осминафиналето на Лига Европа со вкупен резултат 4-3. Барселона поведе со голот на Левандовски во 18. минута од пенал, но во вториот дел следеше пресврт. Фред постигна гол во 47. минута, а Ентони во 73. минута се погрижи за пресвртот.
Тренерот на Барселона, Чави Хернандез, е разочаран од крајниот исход на натпреварот.
„Тој гол за 1-1 ни нанесе голема штета. Тоа беше топка која требаше да ја освоиме и ја загубивме. Тој загубен дуел беше клучот за нашите проблеми. Нѐ притиснаа со силен интензитет. Во првото полувреме, ги имавме работите под контрола и ни беше удобно да играме“, изјави Чави.
„Многу сме разочарани затоа што бевме возбудени за ова натпреварување. Но, имавме силен противник. Физички тие се многу силни. Да не дојдеше толку брзо израмнувањето, веројатно ќе го контролиравме и вториот дел. Да ги имавме Педри и Гави, веројатно ќе беше поинаку. Не барам алиби, но така е“, дополни тренерот на Барселона.
